დღე 9. კურსის რეფლექსია

დავასრულეთ  პროექტები.  გავაკეთეთ  პრეზენტაციები   და  გავაკეთეთ  ურთიერთშეფასებები.პროექტი იყო ჩემთვის ძალზე  საინტერესო და ინფორმაციული, ბევრი  ისეთი რამ შევისწავლე, რასაც  ხშირად გამოვიყენებ  მოსწავლეთა  მოტივაციის ასამაღლებლად, რაც  მოგეხსენებათ  თითოეული მასწავლებლის  უპირველესი მოვალეობაა. 

განსაკუთრებით  მინდა  აღვნიშნო, რომ შემხვდა  საუკეთესო ჯგუფი  და  საუკეთესო   ტრენერი.  კოლეგების  პრეზენტაციისას  იმდენად  ბევრი და  ფართო სპექტრის  საკითხები იყო  წარმოდგენილი, რომ   თითოეული ჩვენგანი  აღფრთოვანებას  ვერ მალავდა(  გირჩევთ  გაეცნოთ  ბლოგებზე ატვირთულ მასალას).  მადლობა  ჯგუფის წევრებს  საინტერესო  ინფორმაციისტვის და  საუკეთესო პრეზენტაციისთვის.  ჩემო კარგებო, თქვენი სახით საიმედო  ამხანაგები შევიძინე.

  აუცილებლად  უნდა  აღვნიშნო, რომ  ჩვენს  მოტივაციაშიც, ჩვენს  ურთიერთდა მოკიდებულებაში და რაც მთავარია  ამხელა ინფორმაციის  შეთვისებასა და გამოყენების პერსპექტივაში  უდიდესი  დამსახურება  მიუძღვის  ქ-ნ ლიას, რომელიც  დაუზარებლად  პასუხობდა  ჩვენს კითხვებს,  დამატებითაც  მუშაობდა  ჩვენთან ერთად  საჭიროების შემთხვევაში  და  გვეხმარებოდა  თავის  დროის  და  ენერგიის  დაზოგვის  გარეშე.   მადლობა  ქ-ნ ლიას, ანუ  სიყვარულით ლიკას   , რომელსაც აგრეთვე  ჩემს  მეგობრად   მოვიაზრებ  მომავალში.

დღე 8

საინტერესოდ ვიმუშავეთ  პროცედურებზე ,  ფასილიტაციაზე  და მენეჯმენტზე. ტრენინგი დასასრულს მიუახლოვდა და   დრეს  ტავი მოვუყარეტ ჩვენს  ნამუშევარს. რთულად და საინტერესოდ დატვირთული დღე იყო. მადლობა ქ-ნ ლიას და კოლეგებს.

დღე 7

დღეს გავეცანით დიფერენცირებული სწავლების  ნიმუშებს.  შევქმენით  სპეციალური დავალებები სსმ და ნიჭიერი მოსწავლეებისთვის. ტრენერმა გვაჩვენა პრეზენტაცია   მრავალმხრივი ინტელექტის შესახებ.  საინტერესო დღე იყო.  მადლობა ყველას.

დღე 6

ძირითადი სამუშაო იყო წინა დღეს შექმნილი მოსწავლეთა   დავალებების   შეფასების რუბრიკის შექმნა. გავეცანით  რუბრიკის ნიმუშებს, შეფასების ტიპებს და ჩვენს მიერ არჩეული (  ან ჩასწორებული, ან დამოუკიდებლად შექმნილი )  ნიმუშის მიხედვით  შევაფასეთ დავალებები. ძალიან საინტერესო და მომავალში გამოსადეგი ინფორმაციით დავიტვირთეთ.  მადლობა ტრენერს მოწოდებული მასალისათვის და კოლეგებს  ინფორმაციის გაზიარებისათვის.

დღე 5

  გავეცანით ინტერნეტის გამოყენებას მოსწავლეთა სწავლა-სწავლების პროცესში. შევიტყვეთ სხვადასხვა საძიებო სისტემების შესახებ. ტრენერმა გაგვაცნო ინფორმაცია საავტორო უფლებების შესახებ და როგორ უნდა დავიცვათ ისინი. შევქმენით მოსწავლეთა დავალებები და პრაქტიკულად განვახორციელეთ ტრენინგის დროს მიღებული ცოდნა. 

დღე 4

სამწუხაროდ  მე-4 დღე  გამოვტოვე  ექსკურსიის გამო. თუმცა კოლეგებისგან შევიტყე, რომ საინტერესო ინფორმაციაზე უმუშავიათ  ძირითადად შეფასებებზე. ცხადია  შევეცდები ნელ-ნელა ავანაზღაურო  გამოტოვილი ინფორმაცია, რადგან დავინტერესდი ამ მასალით.

დღე 3

დღეს შევიმუშავეთ  სტადარტები და ვიმუშავეთ  მიმართულებების საკვანძო საკითხებზე/. ეს იყო სიახლე  ჩემთვის საინტერესო იყო, როგორ გაგვემიჯნა ერთმანეთისაგან  ზოგადი, თემატური და შინაარსობრივი კითხვები.  გვქონდა  საინტერესო ჯგუფური მუშაობა.
  მადლობა ქ-ნ ლიას  აქტიური და დაუზარებელი  დახმარებისათვის.

დღე 3- ისთვის შემუშავებული საკვანძო კითხვები

ჰარმონიულია თუ არა  სამყარო?

რომელი ფერწერული ტილო აღიქმება უფრო ჰარმონიულად? როგორ გვეხმარება  მათემატიკა  და ხელოვნება  სამყაროს  შემეცნებაში? სიმეტრიის რა სახეები იცით?

როგორაა ფოთლები განლაგებული ვარდის ღეროზე?  ყვავილზე?  როგორაა მზესომზირის მარცვლები ყვავილედში განლაგებული? სიმეტრიულია თუ არა სიერას ნახატი  „  მდინარის პირას“?  ან  „ პეტრონასის ტყუპები“? რამდენი სიმეტრიის ღერძი აქვს  მართკუთხედს?  კვადრატს?

დღე 2

წარმატებით დასრულდა პირველი შეხვედრა. არ ველოდი, მაგრამ მეორე დღე უფრო საინტერესო აღმოჩნდა ჩემთვის. ტრენერმა გვასწავლა ტრიპლეტის- ბუკლეტის შექმნა, სურათების მოძებნა და რაც მთავარია  საავტორო უფლებების დაცვის უზრუნველყოფა.ერთი შეხედვით რთული ამოცანა გამარტივდა, როდესაც ქ-ნ ლიამ მზა შაბლონები გვაჩვენა და გაგვაცნო სხვადასხვა ტექნიკური საშუალებები პროექტის საბოლოო საინტერესო ვარიანტის შესაქმნელად. მადლობა ჩემს ტრენერს თანადგომისათვის.

დღე 1

შეხვედრის  პირველ დღეს   ტრენერმა ქ-ნ ლია ნავროზაშვილმა საინტერესოდ წარმოგვიდგინა   ინფორმაცია ინტელის პროგრამის შესახებ. გავეცანით პროექტით სწავლების მიზნებს და მისაღწევ შედეგებს. ქ-ნი ლია დაგვეხმარა ბლოგის შექმნაში, გაგვაცნო მომდევნო შეხვედრების შინაარსი   და საინტერესო სამუშაო პროცესის შემდეგ  იმედით სავსენი დავშორდით ერთმანეთს.  მადლობა ტრენერს და კოლეგებს საინტერესო დღისთვის.